Exercice 6

Exercice 6

La Suite Du Roman de Merlin


LOT n° 3 (les références sont établies par Raoul et conrrespondent au groupe de trad)

Paragraphe 254 lignes 33 à 53

33-" Sire , je le vous dirai . Saichiés que je sui uns
34-laborans de terre et main ma charue , et en labourant et en
35-cultivant ma terre aquier jou le vivre et le soustenement
36-de mes enfans . - Et quans enfans as tu ? dist li rois .
37-- Jou en ai . XIII . . Li . XII . labeurent pour lour vivre et
38-se tienent a ma maniere , mais icil ne s' i veult acorder en
39-nule guise , ains dist qu' il ne sera se chevaliers non . Ne sai
40-dont chis corages li puet venir . " Et lors commenchent
41-tout a rire li baron dou palais qui ceste parole entendirent .
42-Et li rois , qui moult estoit sages , ne tient mie ceste chose
43-a gas , si dist au varlet : " Biaus amis , veuls tu estre chevaliers ? "
44-Et cil respont : " Sire , il n' a riens el monde que je
45-desire autant comme estre chevaliers de vostre main et
46-estre compains de la Table Reonde . - Or te fache Diex
47-preudomme , dist li rois , que tu bees a gringnour chose
48-que ti autre frere ne font . Certes tu ne me requiers chose
49que je ne te fache . Et je cuic que se gentillece ne te venist
50-d' auchune partie , ja tes cuers ne te traisist a si haute chose
51-comme a chevalerie . Ore doinst Diex que il soit bien
52-emploiié , car il n' i avra hui chevalier chaiens fait devant
53-que tu le soies . " Et li vallés l' en merchie moult .

Phonétique : manus : main (l 45)
Morphologie : Les substantifs masculins
Syntaxe : Les modes impersonnels du verbe
Lexico : varlet / vallés (l 43 / 53)