Exercice 7

La Suite Du Roman de Merlin


LOT n° 4 (les références sont établies par Raoul et conrrespondent au groupe de trad)

Paragraphe 256 lignes 1 à 26

256 .

1-Atant fist li rois de Gavain son neveu chevalier ,
2-car il li chainst l' espee au costé et a tous les autres compaignons
3-aussi . Et quant il les ot tous fais chevaliers , lors
4-commencha maintenant par laiens la joie et la feste . Et
5-dirent auchun de Gavain pour chou que biel et apiert le
6-veoient : " Cil vengera encore son pere , se il vit longuement ,
7-de chelui qui l' ochist . " Chelui jour furent assis a
8-la Table Reonde cil qui compaignon i estoient et furent
9-tout li lieu empli ne mais deus , li Sieges Perilleus et li
10-daerrains sieges . Car il commenchierent a servir as tables et li
11-rois demanda a Merlin : " Merlin , encore n' avés vous mie
12-tout fait , che me samble , que chis daerrains liex est viex
13-et atent son signour . - Or ne vous esmaiiés , fait Merlins .
14-Quant il plaira a Nostre Signour , il sera emplis , mais je
15-ne le lais ore mie a emplir pour chou qu' il n' ait chaiens
16-assés de boins chevaliers , mais pour chou qu' il doit definer
17-ensi qu' il commenche . Il commenche par roi et par roi
18-doit definer . Vous estes rois et boins chevaliers et
19-seés el coumenchement ens ou premier lieu , et je meterai
20-el daerrain aussi boin chevalier ou millour comme vous ,
21-et ensi coumenchera par haute personne et finera par
22-haute , et ensi le doit faire si haus liex coume est cil de la
23-Table Reonde . " En tel maniere souffrirent chelui jour de
24-chelui lieu , et firent si grant joie et si grant feste en la chité
25-de Camalaoth que tout li povre homme et li riche n' entendoient
26-fors a faire joie et feste .

Phonétique : pater/patrem : pere (l6)
Morphologie : Le passé simple
Syntaxe : L'article
Lexicologie : compaignons (l 2)